HAL YANG PERLU DIPERHATIKAN SEBAGAI PRANATACARA - MC JAWA

I.       Sarana Manatacara

      A. Sarana makarya ingkang boten katingal

      1.  Kawruh kabudayan (utamanipun kagunan lan filsafat)

-       Kagunan basa (basa lesan, basa sinerat lan basa sasmita)

-       Kagunan rupa (ngadi sarira, ngedi busana)

-       Kagunan beksa (ulah kridhaning angga, pirsa namining beksan)

-       Kagunan swara (sekar, gendhing, karawitan)

-       Filsafat utaminipun kawruh bab adat tatacara miwah upacara (wiwit meteng, metu, manten, mati)

      2. Gladen Ulah kaprigelan

          Nyakup :  Ulah jiwa – Ulah raga – Ulah napas – Ulah swara

      2.1 Ulah Jiwa

    Ginanipun : Kangge nggayuh raos ayem jenjem, tentrem manteb (percaya dhiri)

    Caranipun :

                  -Aliran kapitadosan wonten ingkang mawi medhitasi. (ulah prana)

                  -Ingkang ngrasuk agami, kanthi ngagengaken pangibadah. (ngenut agaminipun  sowang-

           sowang)

       2.2 Ulah Raga

            Ginanipun : Supados sarira saged keker, seger, saras, kiyeng kiyat kangge   makarya.

            (teteg tatag, tangguh tanggon, prapteng ngendhon)

            Caranipun              : sepeda santai, senam, joging, renang, volly, footsall lsp.

 2.3.Ulah Napas

      Ginanipun -Njagi kasarasan jiwa raga

       -Ngicali raos dheg-dhegan, gemeter

                             -Saged ngendikan panjang tanpa ngos-ngosan (wekdal nembang, nyandra, lsp)

            Caranipun

        2.3.1.Napas Pasif

                Satitahe kados ambegan saben dinten

        2.3.2.Napas Aktif

                 saged sinambi lenggah, jumeneng, kendel utawi mlampah.

a.     Narik napas lon-lonan ngginaaken grana.- Saged mawi etangan 1,2,3 …..spt

                 sangsaya kathah langkung sae.

-                Dipun ampet ngantos kebak wonten padharan.

                 Dipun wedalaken lon-lonan mendhet saking perangan padharan medal tutuk.

                 (Ugi saged mawi etangan 1,2,3, ….. sapiturutipun)

b.      Narik napas sacepetipun, salebet-lebetipun / sakathah-kathahipun ngangge grana    -       Dipun ampet ngantos kebak wonten ing padharan.

                  Dipun wedalaken lon-lonan medal tutuk.

c.       Kados ing nginggil, ananging anggenipun ngedalaken napas sinambi   nyuwara,utamnipun swara vokal.    -a,i,u,e,o                           

                  Kagladhi ngantos kulina, lan mboten katawis.

        2.4. Ulah Swara

                  Swara kaliyan napas kadi dene gula lan leginipun kados latu lan benteripun  manunggal tan pisah.

                  Ulah swara nyakup : kedal, ucapan, lagu

        2.4.1 Kedal

 Ngeja aksara ngantos cetha

 ta         –      tha

 da        –      dha

 ka        –      kha,  lsp.

2.4.2 Ucapan

Seratanipun sami, benten pangucapipun.

Kawigatosna swarane aksara swara, mingsad – mingsedipun ing tembung lingga saha ing tembung andhahan.

                   Tuladha :

            Rasa , rasane                                - utama , utamane

            Manis , manise                             - pinggir, pinggire

            Leseh , lesehan                            - bedhek, bedhekan lsp..

          2.4.3. Lagu (wirama)

                   Saben basa lagu lageyanipun boten sami.

                   Basa Inggris lagunipun avariasi

                   Basa Jawi kawastanan     : dekung

                  ,membat mentul,  sora lirih, andhap inggil, panjang pendek,  rindhik rikat.

v Swara Panatacara ingkang sae :

-       Prasaja boten katawis kadamel

-       Dhekung (membat mentul)

-       Ulem (nyaring, sedhep kapireng)

-       Manteb boten kemeng

-       Resik boten serak eseg, bindheng, pelat

-       Nglaras boten fals, blero

-       Teteh titis boten kesleo, kaclithut

-       Wijang gamblang, cetha, nges Jawani

-       Boten groyok, boten kerindhiken

-       Nyuwanten panjang boten ngos-ngosan

     -   Los boten ngotot, lirih boten nglentreh

v  Sedaya punika kedah kagladhi, kaudi amrih tlesih, trep mungguh mapan

Sesanti “sapa ngudi bakale dadi, sing ora ngudi ora dadi”

Share on Facebook

Share on Twitter

Share on Google+

Share on LinkedIn

Subscribe to receive free email updates: